БОЗ ДУ «БОИНГ» БАРОИ ТОҶИКИСТОН

Душанбе, 6 декабр. (АМИТ «Ховар», Лаззат Диловарзод).- Бино ба гуфти директори ширкати ҳавопаймоий «Сомон — Эйр» Алишер Рустамов, тирамоҳи соли 2011 парки ҳавопаймоии ширкати мазкурро  боз ду ҳавопаймои калонҳаҷми  сохти «Боинг 737 900» пурра мекунад.    Ба иттилои  ҳамин манбаъ, ҳар ду ҳавопаймо дар корхонаи шаҳри Сиэтли  давлати Амрико васл карда шуда, тирамоҳи соли 2011 ба Тоҷикистон оварда мешаванд.    Айни замон,  ширкати «Сомон — Эйр» дорои се ҳавопаймои  сохти «Боинг» буда, барои боз ҳам пурра кардани парки ҳавопаймоӣ шумораи ҳавопаймоҳои мусофирбарро ба тадриҷ зиёд менамояд.    Боиси тазаккур аст, ки дар 11 моҳи соли ҷорӣ тавассути ширкати мазкур ба шаҳрҳои ФР, Чин, Олмон, Туркия ва дигар давлатҳои Ховари Миёна наздик ба 217 ҳазор мусофирон интиқол дода шудаанд, ки ин нисбат ба ҳамин давраи соли 2009 ду баробар зиёд аст.