БУНЁДИ БОҒУ ТОКЗОРИ НАВ ДАР ҶУМҲУРӢ

Душанбе, 28 декабр. (АМИТ «Ховар», Лаззат Диловарзод).- Бино ба маълумоти маркази матбуот ва иттилооти Вазорати кишоварзӣ, то 1- уми декабри соли 2010 дар ҳамаи сохторҳои хоҷагиҳои деҳқонӣ (фермерӣ) 12 ҳазору  350 гектар боғҳои нав бунёд шудаанд, ки нисбат ба ҳамин давраи соли гузашта 2, 3 баробар зиёданд.    Ба иттилои ҳамин манбаъ, аз масоҳати умумии боғҳо дар  2 ҳазору 338 гектар мевагиҳои тухмдор, дар  8 ҳазору 155 гектар мевагиҳои донакдор, дар майдони 10 ҳазору 98 гектар чормағзу бодом, дар 750 гектар меваҳои субтропикӣ ва дар 8 гектар меваҳои ситрусӣ шинонида шудааст.    Аз миқдори умумии боғҳои нав 1621 гектари он  дар заминҳои лалмӣ бунёд   шудааст.    Дар ҳамин давра 1 ҳазору 97 гектар токзор бунёд шудааст, ки нисбат ба соли 2009 4,3 фоиз кам аст, ҳол он ки талаботи давлатҳои Шарқу Ғарб   ба ангури Тоҷикистон то рафт меафзояд. Аз ин рӯ тибқи барномаи давлатӣ,  майдони ангурзори кишвар то соли 2015  бояд ду баробар зиёд   шавад.    Дар соли ҷорӣ,   инчунин, 1694 гектар боғ аз нав барқарор  гардид .