49 АРЗУ ШИКОЯТ УНВОНИИ РАЁСАТИ ХИЗМАТИ ДАВЛАТӢ

    Душанбе, 11 январ. (АМИТ «Ховар», Дилшодаи Ҷонмард).- Дар Раёсати хизмати давлатии назди Президенти Ҷумҳурии Тоҷикистон соли 2010 2477 мавод ворид шудааст, ки аз ин шумора 678 мактуб барои баррасӣ мебошад. мӯҳтавои асосии маводҳои воридшударо асосан муроҷиати мақомоти давлатӣ ва хизматчиёни давлатӣ оид ба гузаронидани озмун, аттестатсия, таъмини кафолатҳои иҷтимоӣ, ҳифзи ҳуқуқҳои хизматчиёни давлатӣ, баррасии лоиҳаҳои санадҳои меъёрии ҳуқуқӣ ташкил медиҳад, гуфт зимни нишасти матбуотӣ иброз дошт зимни нишасти матбуотӣ муовини сардори Раёсати хизмати давлатӣ Қосимов Гурез Ҷӯрақулович.   Дар Раёсат 49 арзу шикояти шаҳрвандон ба қайд гирифта шуда, дар мӯҳлатҳои зарурӣ омӯхта ва ба унвони муаллифон ҷавоб фиристода шудааст.  Ҳамчунин, қайд карда шуд, ки Раёсати хизмати давлатӣ ва Донишкадаи такмили ихтисоси хизматчиёни давлатӣ барои боз ҳам тақвият додани фаъолияти худ анҷом додани вазифаҳо аз қабили дар сатҳи зарурӣ иҷро намудани нақшаи чорабиниҳои Раёсат бахшида ба ҷашни 20-солагии Истиқлолияти давлатии ҶТ, такмили фаъолияти Шабакаи иттилоотии байниидоравии дар Раёсат насбшуда, муайян намудани шумораи хизматчиёни давлатии донандаи забонҳои хориҷӣ ва тақвият додани сатҳи забони давлатӣ, кушодани кафедраи забонҳои хориҷӣ, баланд бардоштани сифати таҳияи санадҳои меъёрию ҳуқуқӣ ва идоравӣ, вусъат додани ҳамкориҳо бо ташкилотҳои байналмилалӣ дар татбиқи самараноки сиёсати давлатии кадрҳо ва рушди хизмати давлатӣ, баланд бардоштани сатҳу сифати таълим, таҳия ва амалӣ намудани тартиби баҳодиҳии устодон аз рӯи натиҷаҳои фаъолияти касбиашон ва ғайраҳоро ба нақша гирифтааст