АФЗОИШИ САРШУМОРИ ЧОРВО ВА ИСТЕҲСОЛИ ГӮШТУ ШИР

    Душанбе, 17 январ. (АМИТ «Ховар», Бекназари Абӯбакр). — Соли сипаригашта дар хоҷагиҳои вилояти Суғд саршумори чорвои калони шохдор ба 516 ҳазор сар расида, аз ин миқдор 274,9 ҳазор сар модагов, 1,2 миллион сар гӯсфанду буз, 1,1 млн сар мурғ ва 8165 сар асп мебошад.    Аз хадамоти матбуоти раиси вилояти Суғд ба мо иттилоъ доданд, ки нисбат ба соли гузашта саршумори чорвои калони шохдор 5472 сар ё 1,1 фоиз, аз ҷумла модагов 3749 сар ё 1,4 фоиз, гӯсфанду буз 18320 сар ё 1,5 фоиз, мурғ 92319 ё 8,9 фоиз зиёд шудааст. Аз саршумори умумии чорво 91,1 фоизи чорвои калон ва 82,3 фоизи гӯсфанду буз ба хоҷагиҳои аҳолӣ рост меояд.    Ҳаҷми истеҳсоли маҳсулоти чорвопарварӣ дар ҳамаи категорияҳои хоҷагиҳо: гӯшт (бо вазни зинда) 32512 тонна ё худ 102,2 фоиз, нисбат ба ҳамин давраи соли гузашта, гӯшти моҳӣ 138 тонна ё худ 100,7 фоиз, шир 214829 тонна ё худ 101,9 фоиз, тухм 55911 ҳазор дона ё худ 105,7 фоиз, пашм 1185 тонна ё худ 106,8 фоиз, пилла 396 тонна ё худ 43,1 фоиз ва асал 1156 тонна ё худ 109, фоизро ташкил кард.     Корхонаҳои кишоварзӣ ва хоҷагиҳои деҳқонии вилоят дар соли 2010 нисбат ба ҳамин давраи соли гузашта 2312 тонна ё худ 101 фоиз гӯшт, 16689 тонна ё худ 100,4 фоиз шир, 35140 ҳазор дона ё худ 106 фоиз тухм истеҳсол намуданд.