АРМУҒОНИ ШАҲРДОРӢ

     Душанбе, 5 январ.(АМИТ «Ховар», Марзия Саидова).- 9 майдончаи варзишию фароғатӣ, ки бо таҷҳизоти замонавӣ ҷиҳозонида шудааст, дар шаҳраку маҳаллаҳои гуногуни пойтахт барои кӯдакону наврасон ба истифода дода шуд. Дар сохтмону таҷҳизонидани майдончаҳои варзишию фароғатӣ аз буҷаи шаҳр қариб 3 миллион сомонӣ харҷ гардидааст.   Тибқи иттилои котиби матбуотии Раиси шаҳри Душанбе Шавкат Саидов, пудратчиёни сохтмони майдончаҳои варзишию фароғатӣ Ҷамъиятҳои дорои масъулияташ маҳдуди «Ойзулӣ», «Меҳансоз», «ТиСМ», «Бедакиён», «Озарахш», «Сарикиштӣ», «Ҳоҷӣ-Яқуб», «Нивелир» ва «Иншоотсервис» мебошанд.   Майдончаҳои нави варзишию фароғатӣ армуғонест аз ҷониби шаҳрдорӣ дар рӯзҳои Соли нави 2011 ба кӯдакону наврасону шаҳраку маҳаллаҳои пойтахт.