ГУЛҲОИ ФАРОНСА ДАР ТОҶИКИСТОН

    Суғд, 5 январ.(АМИТ «Ховар», С. Юсуфӣ).- Соҳибкор Собирҷон Ашӯров дар замини наздиҳавлигии худ гармхона ташкил намуд, ки дар он 400 ҳазор бех гул нигоҳубин менамояд.      Гармхона бо ду печи бобоӣ гарм шуда, ҳарорати гармии он ба 20- 25 дараҷа мерасад.    Собирҷон тухмии гулҳои парвариш менамудаашро аз шаҳрҳои Москва ва Самараи Федератсияи Руссия дастрас намуда, дар гармхонаи худ навъҳои гули бархатси, георгиня, петуня, веолла, бегония, катарантус, салвияро, ки дар кишварҳои Япония, ИМА, Голландия ва Фаронса месабзанд, парвариш менамояд.     Дар гармхонаи Собирҷон ғайр аз навъҳои гуногуни гул сабзавоти барвақтӣ, аз қабили карам, бодиринг ва помидори навъи мадоннаю афродита парвариш мешаванд.