КОРХОНАҲОИ ПЕШСАФИ ВАЗОРАТИ ЭНЕРГЕТИКА ВА САНОАТ

    Душанбе, 19 январ. (АМИТ «Ховар», Лаззат Диловарзод).- Маблаѓи истеҳсоли маҳсулоти саноати сабук дар моҳҳои январ – декабри соли 2010 ба 1 млрд. 81 млн. сомонӣ расид, ки нисбат ба ҳамин давраи соли 2009 14 фоиз зиёд аст. Дар ин давра истеҳсоли маҳсулоти корхонаҳои пахтатозакунӣ ба 111 фоиз, кешбофӣ – 101, газвори пахтагин – 118 фоиз расида, дўзандагӣ 1,5 баробар зиёд шудааст.  Дар айни замон корхонаҳои саноати абрешимӣ истеҳсоли маҳсулоташонро 70 фоиз кам карданд,- иброз доштанд дар Вазорати энергетика ва саноат ба мухбири АМИТ «Ховар».     Ба иттилои ҳамин манбаъ, аз 148 корхонаи соҳа танҳо 66 фоизашон истеҳсоли маҳсулотро нисбат ба сатҳи моҳҳои январ – декабри соли 2009 зиёд карда тавонистанд. Аз ҷумла: нахи пахта ба андозаи 104 фоиз, чигит – 100, калобаи пахтагин – 95, газвори пахтагин – 77 ва газвори абрешимӣ ба андозаи 66 фоиз нисбат ба ҳамин давраи соли 2009 зиёдтар истеҳсол гардидааст.