15 НАФАР КОРОМӮЗ РОҲХАТ ГИРИФТАНД

  Душанбе, 11 феврал. (АМИТ «Ховар», Мавзуна Бойева) — Сарраёсати Агентии давлатии ҳифзи иҷтимоӣ, шуғли аҳолӣ ва муҳоҷирати вилояти Суғд дар шаҳри Конибодом ярмаркаи ҷойҳои кории холӣ ва вазифаҳои озодро баргузор намуд.Дар ин бора ба мухбири АМИТ «Ховар» аз шўъбаи робитаҳои байналмилалӣ ва ҷамъиятии Агентии давлатии ҳифзи иҷтимоӣ, шуғли аҳолӣ ва муҳоҷирати Вазорати меҳнат ва ҳифзи иҷтимоии аҳолии Ҷумҳурии Тоҷикистон иттилоъ доданд.    Дар ярмарка роҳбарони 18 корхонаю муассисаҳои вилояти Суғд иштирок намуда, ба корҷӯён 128 ҷойи кори холиро пешниҳод намуданд.   Мувофиқи талаботи бозори меҳнат 15 нафар шаҳрвандони корҷўй, ки хоҳиши касбомўзӣ доштанд, бо ихтисоси фермер-боғбон ба Маркази таълими калонсолони шаҳри Конибодом сафарбар гардиданд. Ба 10 нафар хатмкунандагони курси пазанда, ки тариқи тренинг-семинар аз озмун гузаштанд, сертификат супорида шуд.   Дар ярмаркаи мазкур ба 17 нафар корҷўён барои кор роҳхат дода шуд. Дар рафти ярмарка зиёда аз 300 нафар шаҳрвандони корҷўй ва бекор иштирок намуданд.