БОЗДОШТИ ДУ ШАҲРВАНДИ АФҒОНИСТОН

Душанбе, 4 феврал. (АМИТ «Ховар», Анварбек Сиддиқов).- Кормандони мақомоти ҳифзи  ҳуқуқи ҷумҳурӣ аз ду шаҳрванди Ҷумҳурии Исломии Афғонистон 60 килогармм маводи нашъадорро мусодира намуданд. Тавре аз маркази матбуоти ВКД-и Ҷумҳурии Тоҷикистон ба АМИТ «Ховар» иттилоъ доданд, чанде қабл дар ноҳияи Шӯрободи вилояти Хатлон дар рафти як амалиёти махсус аз истиқоматкунандаи вилояти Қундузи ҶИА Бисмиллоҳ валади Тохтар 26 килограмм бангдона мусодира намуданд.   Инчунин, худи ҳамон рӯз дар ноҳияи Панҷ боз як истиқоматкунандаи вилояти Қундузи ҶИА  Ахтармаҳмад валади Ҳабибуллои 18 соларо дастгир намуданд, ки аз ӯ 33 килограмм бангдона мусодира гардид. Оид ба ин қазияҳо парвандаи ҷиноӣ оғоз карда шуд.