ҒОЛИБОН МУАЙЯН ГАРДИДАНД

Душанбе, 11 март. (АМИТ «Ховар», Дилшодаи Хайруллох).- Cанаи 9-10 марти соли равон мусобиқаи ҷумҳуриявӣ оид ба вазнбардорӣ миёни дастпарварони то синни 18  солаи мактабҳои варзишӣ дар шаҳри Қурғонтеппаи вилояти Хатлон  доир гардид. Дар он дастаҳои варзишии шаҳри Душанбе, вилоятҳои Хатлон, Суғд ва шаҳру ноҳияҳои тобеи ҷумҳурӣ ширкат варзиданд. Дар вазни 42 кг варзишгарон  Ойев Сунатулло — соли таваллудаш 1997, намояндаи дастаи варзишӣ аз шаҳри Ваҳдат ба ишғоли ҷойи аввал, Холов Сӯҳроб — соли таваллудаш 1997,  намояндаи дастаи варзишии Хатлон-1 ба ишғоли ҷойи дуюм ва Солеҳҷони Нурулло — соли таваллудаш 1997,  намояндаи дастаи варзишии Хатлон-  2 ба ишғоли ҷойи сеюм мушарраф гардиданд. Дар вазни   46 кг варзишгарон  Ҷаҳонгири Абдулвоҳид, Мурсаев Меҳрониддин ва Бобоҷонов Исуф ғолиб омаданд. Дар вазни 50 кг варзишгарон  Парвиз Бегов, Баҳриддин Нуриддинов ва  Дилшод Тӯраев дастболо гардиданд. Иттилои мазкур  ба хабарнигори АМИТ «Ховар» аз бахши иттилоотию таҳлилии Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дастрас гардид.