ОҒОЗИ МАШВАРАТИ ОМӮЗИШӢ ДАР ҲИСОР

   Душанбе,   7 март. (АМИТ «Ховар»,  Парасту  Бозорова). – Имрӯз  дар  Маркази  имкониятҳои  ҷавонони  ноҳияи  Ҳисор  бо мақсади  омӯзонидани  нозукиҳои  соҳибкорӣ  таҳти  унвони  «Асосҳои  соҳибкорӣ ва  рушди  тиҷорат»  нақша-  семинари  омӯзишӣ  ба  кори  худ шурӯъ  намуд.    Дар  рафти  ин  семинар, ки  дар кори он  зиёда  аз  80  нафар  ҷавонон иштирок менамоянд, дар  хусуси  гирифтани  қарзҳои  хурд  барои  оғоз  ва рушди  соҳибкорӣ  машғулиятҳо  гузаронида  мешаванд.  Ёдовар  мешавем, ки  семинари мазкур  дар  доираи  лоиҳа  ҷиҳати  фароҳамоварии  имкониятҳои  иҷтимоӣ  ва  иқтисодӣ  барои  ҷавонони  Тоҷикистон аз  тарафи  Бонки  умумиҷаҳонӣ  маблағгузорӣ  шуда,  аз  ҷониби  Кумитаи ҷавонон, варзиш ва сайёҳии ҲҶТ  амалӣ  мегардад.    Семинари  мазкур  5  рӯз  идома   меёбад.