Дурнамои ҳамкориҳои ҶТ бо Швейтсария
Душанбе, 14 июл. (АМИТ «Ховар», Покиза Маҳмадбекова). – Вазири молияи Ҷумҳурии Тоҷикистон Сафаралӣ Наҷмиддинов бо сафири фавқулодда ва мухтори Конфедератсияи Швейтсария дар Тоҷикистон Стефан Неллен мулоқот намуд.Тавре ба АМИТ «Ховар» аз Вазорати молияи кишвар хабар доданд, дар ҷараёни вохӯрӣ оид ба масоили муҳим ва дурнамои ҳамкориҳои ҳар ду кишвар дар бахшҳои молиявӣ, бонкӣ ва дигар паҳлӯҳои фаъолият мубодилаи афкор сурат гирифт. Масоили рушди муносибатҳо дар бахшҳои гидроэнергетика, саноат, хоҷагии халқ ва ҳифзи иҷтимоии аҳолӣ низ аз масъалаҳои асосии сӯҳбат ба шумор рафт.Вазири молияи ҶТ С. Наҷмиддинов ба сафири фавқулодда ва мухтори Конфедератсияи Швейтсария дар Тоҷикистон Стефан Неллен барои дастгирӣ изҳори минатдорӣ намуда, зикр намуд, ки «кишвари мо тӯли фаъолият бо Конфедератсияи Швейтсария, алалхусус дар қисми гузаронидани ислоҳот дар соҳаҳои гуногуни фаъолияти кишвар ба натиҷаҳои назаррас ноил гардид ва дар оянда низ баҳри таҳким ва густариш додани ҳамкориҳои дуҷониба кӯшиш ба харҷ хоҳад дод».
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
