«Пойизи сабз»-тӯҳфа аз «Адиб»
Душанбе, 5 август. (АМИТ «Ховар», Дилшодаи Хайруллоҳ).- Нашриёти «Адиб» бахшида ба 20-умин солгарди Истиқлолияти Ҷумҳурии Тоҷикистон якчанд маҷмӯаро нашр намуд.Аз ҷумла, маҷмӯаи нави шоири халқии Тоҷикистон Сайдалӣ Маъмур таҳти унвони «Пойизи сабз», ки онро интишороти «Адиб» бо сифати баланд ба табъ расонидааст.Дар китоб чаҳорпора, ғазал, қитъа, рубоӣ ва намунаҳои шеъри сапеди дар зарфи чаҳор соли охир навиштаи муаллиф ҷой дода шудааст.Шоир меваҳои пойизии боғи умри худро, ки шеърҳои ӯ мебошанд, пешкаши дӯстдорони каломи бадеъ гардонидааст.Китоб бо пешгуфтори доктор Алиасғари Шеърдӯст оғоз ёфта бо тарҷумаи ҳафт шеъри классики адабиёти туркман Махдумқулӣ анҷом пазируфтааст.«Пойизи сабз» тӯҳфаи шоир ба ҷашни 20-солагии Истиқлолияти давлатии Ҷумҳурии Тоҷикистон мебошад.Мунтахаботи Ғоиб Сафарзода, ки аз тариқи нашриёти мазкур ба дасти чоп расидааст, осори насрии ӯро дар бар мегирад. Ин китоб бо тавзеҳоти ҷанбаи илмӣ дошта пурра карда шудааст. Китоб аз сарсухани Шоҳҳайдар Ёдгорӣ ва бобҳои «Маданият, забон ва адабиёт», «Лавҳаю очерк ва сафарномаҳо» ва «Тавзеҳот» иборат мебошад.
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
7 август дар вазоратҳои корҳои дохилӣ, адлия, Суди Олӣ, Хадамоти гумрук ва Палатаи ҳисоб нишасти матбуотӣ баргузор мегардад
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
Имрӯз дар Тоҷикистон ҳаво камабри бебориш мешавад
ОБОДОНӢ ДАР ДЕҲОТ. Дар деҳаи Роҷи Панҷакент варзишгоҳи мактабӣ ба истифода дода шуд
3010 нафар сайёҳони хориҷӣ манзараҳои нотакрори Ховалингро тамошо намуданд
Дар Хатлон 165 бинои нави муассисаҳои таълимӣ бунёд карда мешавад
Имрӯз дар Тоҷикистон гармии ҳаво ба 37 дараҷа мерасад
