Сарвазири ҶТ Кишен Кумар Наҳорро пазируфт

Душанбе, 12 август. (АМИТ «Ховар», Дилшодаи Хайруллоҳ).- Имрӯз ҳамчунин мулоқоти Сарвазири Ҷумҳурии Тоҷикистон Оқил Оқилов бо ноиби сардори Ситоди нерӯҳои ҳарбӣ-ҳавоии Ҷумҳурии Ҳиндустон Кишен Кумар Наҳор баргузор шуд.Ҷонибҳо атрофи вазъи имрӯза ва дурнамои ҳамкориҳои ҳарбӣ, ҳарбӣ-техникӣ ва ҳамкориҳо дар самти тайёр кардани мутахассисони низомӣ табодули афкор намуда аз раванди ҳамкориҳои имрӯзаи низомӣ, расонидани кӯмакҳои техникӣ ва ҷараёни омодасозии мутахассисони низомӣ барои Қувваҳои мусаллаҳи Тоҷикистон изҳори қаноатмандӣ карданд.Дар мулоқот ҳамчунин ба масъалаи таъмини амнияту бехатарӣ дар минтақа ва ҳамгироии муштарак дар мубориза бар зидди зуҳуроти номатлуби ҷомеа таваҷҷӯҳ зоҳир карда шуд.