Вохӯрии Ҳ. Зарифӣ бо муовинони Раиси Девони Вазирони Туркманистон

Душанбе, 5 август. (АМИТ «Ховар», Пайрав Назаров). – 4 август Вазири корҳои хориҷии Тоҷикистон Ҳ. Зарифӣ бо муовини Раиси Девони Вазирони Туркманистон Дерягелдӣ Оразов масъалаҳои дуҷониба оид ба рушди ҳамкориҳо дар соҳаи энергетика ва сохтмонро мавриди муҳокима қарор дод. Дар ин самт таваҷҷӯҳи зиёд ҷиҳати татбиқи босамари сохтмони роҳҳои оҳану автомобилгард, сохтмони хатҳои интиқоли нерӯи барқ, пайваст намудани шабакаҳои энергетикӣ ва транзитии кишварҳои минтақа зоҳир шуд. Нимаи дуюми рӯз вохӯрии Ҳ. Зарифӣ бо муовини Раиси Девони Вазирон Назаргулӣ Шогулиев сурат гирифт, ки дар он ҷонибҳо масъалаҳои рушди минбаъдаи муносибатҳои дуҷонибаи иқтисодӣ, дар соҳаи алоқаи байналмилалии роҳи оҳан, кушодани хатсайри ҳавоӣ миёни ду кишвар ва дигар ҳамкориҳои минтақавӣ ва соири масъалаҳои муштаракро муҳокима намуданд. Вазири корҳои хориҷӣ Ҳ.Зарифӣ зимни вохӯри бо муовини Раиси Девони Вазирон Оразмурод Гурбанназаров масоили марбут ба муносибатҳои тиҷоратии ду кишвар ва ҷиҳати тақвият дар ин самт, бо истифода аз имкониятҳои мавҷуда, кушодани “Хонаи савдо” дар марказҳои ҳарду кишвар, инчунин хариди молу маҳсулотҳои истеъмолӣ тавассути биржаи давлатии молу ашёи Туркманистонро баррасӣ намуд.