Ҳ. Зарифӣ роҳбари нави ЮНИСЕФ-ро ба ҳузур пазируфт
Душанбе, 15 сентябр. (АМИТ «Ховар», Бекназари Абӯбакр). — Вазири корҳои хориҷии Ҷумҳурии Тоҷикистон Ҳамрохон Зарифӣ 14 сентябр дар шаҳри Душанбе Лейли Мошири-Гелонниро ба муносибати оғози фаъолияташ ба ҳайси роҳбари Намояндагии ЮНИСЕФ дар Тоҷикистон ба ҳузур пазируфт. Дар рафти вохӯрӣ вазири корҳои хориҷӣ Лейли Мошири-Гелонниро бо оғози фаъолияташ табрик гуфта, дар фаъолияти минбаъдааш бурдбориҳо орзӯ намуд. Дар навбати худ Лейли Мошири-Гелонни дар мавриди лоиҳаҳо ва вазифаҳои амалигашта ва дар нақшабуда, ки барои Ҷумҳурии Тоҷикистон аз ҷониби ЮНИСЕФ татбиқ мешаванд, маълумот дод.Дар ин бора ба АМИТ «Ховар» аз ВКХ ҶТ иттилоъ доданд.