Бо шарофати Истиқлол
Файзобод, 22 сентябр. (АМИТ «Ховар», Зебо Давлатова). – Тавре сардори ҶДММ «Раис» Сайфулло Ҷалилов ба хабарнигори АМИТ «Ховар» иттилоъ дод, бо шарофати Истиқлол дар назди мактаби рақами 51 деҳаи Карсанги ҷамоати деҳаи Ҷавонон боз чор синфхонаи иловагии муҷаҳҳаз ба истифода дода шуд. Мавсуф афзуд, ки то имрӯз дар ноҳия 3 адад мактаби хуштарҳу замонавӣ аз ҷониби соҳибкорон сохта шуда мавриди баҳрабардорӣ қарор гирифтааст.