Мусобиқаи энергетикҳо

Душанбе, 16 сентябр. (АМИТ «Ховар», Кристина Эрлих). – Мутахассисони шабакаҳои марказии барқи ШСХК «Барқи тоҷик» бо роҳбарии директори он Аслиддин Назаров дар мусобиқаи ҳарсолаи энергетикҳо, ки онро Шӯрои қувваи барқи ИДМ ташкил менамояд, иштирок мекунанд.Дар ин бора ба хабарнигори АМИТ «Ховар» роҳбари маркази матбуоти ШСХК «Барқи тоҷик» Нозир Ёдгорӣ иттилоъ дод.Мувофиқи суханони манбаъ, имсол мусобиқаи энергетикҳо аз 16 то 21 сентябр дар шаҳри Пензаи Федератсияи Русия баргузор шуда, дар он дастаҳои 9 кишвари аъзои ИДМ: Тоҷикистон Русия, Арманистон, Беларус, Гурҷистон, Қазоқистон, Қирғизистон, Ӯзбекистон, Украина иштирок менамоянд.Иштирокдорони ин мусобиқа бояд маҳорати худро дар бахши энергетика намоиш диҳанд. Директори шабакаҳои энергетикии Кӯлоб Мирзо Исмоилов ба ҳайати ҳакамҳои мусобиқа шомил аст. Қобили зикр аст, ки дар мусобиқае, ки соли гузашта дар шаҳри Павлодари Қазоқистон баргузор шуда буд, дастаи энергетикҳои мо ҷойи дуюмро ишғол намуд.