Натиҷаи татқиқоти корҳои ходимони илмӣ

Душанбе, 29 сентябр. (АМИТ «Ховар», Лаззат Диловарзод). — Натиҷаи омӯзиш ва тадқиқоти сесолаи ходимони илмии Пажӯҳишгоҳи ботаника, физиология ва генетикаи Акедемияи илмҳои ҶТ, Пажӯҳишгоҳи боғпарварӣ ва сабзавоткории АИ кишоварзии Тоҷикистон номзади илмҳои кишоварзӣ Қурбоналӣ Партоев ва ходимони илмӣ Қурбоналӣ Меликов, Маҳмадзамон Сулангов ва Асомиддин Ҷумаҳмадов, ки бо номи «Гуногунии агробиологӣ — ғизо, захира ва бойгарӣ» ба табъ расидааст, дар атласи ранга пешкаши хонандагон гардонида шуд. Тадқиқот ҷиҳати муайянкунӣ ва баҳодиҳии наъҳои маҳаллии мевагиҳо, ғалладонагиҳо ва захираҳои хӯроки чорво дар води Ҳисор, Рашт, Зарафшон, Истаравшан ва ноҳияи Вахш бо дастгирии молиявии бунёди ба номи Кристенсон (Christenson Fund) гузаронида шудааст.Дар атласи ранга расмҳои аслии навъҳои маҳаллии зироатҳо, зоти чорво, ки муаллифон дар давраи омӯзиш ва тадқиқот аксбардорӣ кардаанд, номҳои лотинии ин намудҳои гуногуни агробиологӣ, номҳои маҳаллӣ ва халқии онҳо, тавсифи мухтасари нишонаҳои асосии ин навъҳо ва минтақаи парвариши онҳо оварда шудааст. Маводи ҷамъовардашуда барои мутахассисони соҳаи кишоварзӣ, деҳқонон ва донишҷӯён чун маълумоти аввалия хеле муфид шуда метавонад.