Нимпайкараи устод Рӯдакӣ дар Бадахшон

Хоруғ, 23 сентябр. (АМИТ «Ховар», Л.Додо). —  22 сентябри соли  ҷорӣ  дар  ҳавлии  китобхонаи   вилоятии  ба номи  устод Рӯдакӣ  нимпайкараи сардафтари  адабиёти  классикии форсу  тоҷик  Абуабдуллоҳ Рӯдакӣ  гузошта  шуд.  Муовини  аввали раиси  ВМКБ  Исмоил Орифшоев иброз  дошт, ки  Ҳукумати  ҷумҳурӣ  ба рушди  адабиёт,  аз ҷумла, ба тарғиби  эҷодиёти  шоирони  классикии адабиётамон ва  абадӣ  гардонидани  хотираи онҳо  эътибори  ҷиддӣ  медиҳад. Ба  ин  хотир  ҳайкалу  нимпайкараҳои  онҳо  гузошта мешаванд. Муовини  раиси  вилоят инчунин  аз  зиндагиномаву  фаъолияти  эҷодии  ин  суханвари  беҳамто ҳарф  зада, қайд  кард, ки  устод Рӯдакӣ  шамси  пурнури самои  маърифатест,  ки 11 аср боз  қалбҳои  моро  тасхир мекунад.  Сипас  дар  Кохи  ҷавонон  ба ин  муносибат  базми  созу  наво  баргузор гардид, ки  дар  он  шоирон шеърҳои ба  устод Рӯдакӣ бахшидаашонро қироат намуданд. Дар  хотима оҳангу  сурудҳои консерти   ҳунарпешагони  номдори вилоят дар толор танинандоз шуд.