Озмуни журналистони мамлакатҳои ИДМ
Душанбе, 14 сентябр. (АМИТ «Ховар», Лутфия Эшонқулова). – Агентии давлатии телеграфии Озарбойҷон дар доираи Нақшаи тадбирҳои афзалиятноки бахши ҳамкории башардӯстонаи давлатҳои аъзои ИДМ барои солҳои 2011 – 2012 журналистони кишварҳои ИДМ – ро, ки мавзӯи ҳифзи мероси таърихию фарҳангиро инъикос медиҳанд, ба озмун даъват менамояд.
Ба ғолибони озмун мукофотҳои пулӣ супурда мешаванд. Мукофоти асосии озмун иборат аз 1000 доллари ИМА мебошад.
Маводҳо барои озмун то 15 ноябр қабул карда мешаванд.