Рушди саёҳати экологию кўҳнавардӣ

Душанбе, 28 сентябр. (АМИТ «Ховар», Дилшодаи Хайруллоҳ).- Президенти мамлакат Эмомалӣ Раҳмон зимни сафар ва боздиди худ дар ноҳияи Айнии вилояти Суғд ба Кумитаи ҷавонон, варзиш ва сайёҳии назди Ҳукумати ҶТ барои ҷалби сайёҳон ва рушди саёҳати экологию кўҳнавардӣ супоришҳои мушаххас дод.Ноҳияи Айнӣ дорои табиати зебову биҳиштосо буда, мавқеи мусоиди ҷуғрофии ноҳия, обу ҳавои тоза, чашмаҳои шаффофу шифобахш, Искандаркўл, Кўли Аловуддин ва водии Яғноб дар оянда барои ҷалби сайёҳон аз тамоми гўшаю канори дунё, аз ҷумла барои рушди саёҳати экологӣ ва кўҳнавардӣ имкониятҳои васеъ фароҳам меоваранд, зикр намуд Президенти кишвар Эмомалӣ Раҳмон. Дар ин асос сарвари давлат сохтору мақомоти дахлдор ва пеш аз ҳама, Кумитаи ҷавонон, варзиш ва сайёҳӣ ва мақомоти иҷроияи ҳокимияти давлатии вилоят ва ноҳияро вазифадор намуд, ки бо истифода аз имкониятҳои мусоид доир ба масъалаи таблиғу ҷалби сайёҳон ва ташкили инфрасохтори мувофиқ тадбирҳои зарурӣ ва мунтазамро амалӣ намоянд.