Сафари А.Миралиев ба Чин
Душанбе, 23 сентябр. (АМИТ «Ховар», Марзия Саидова). — Ҳайати парлумонии Ҷумҳурии Тоҷикистон таҳти раёсати муовини аввали раиси Маҷлиси намояндагони Маҷлиси Олии Ҷумҳурии Тоҷикистон Амиршо Миралиев ҷиҳати иштирок дар чорумин ҳамоиши иқтисодии АвруОсиё, ки то 24-уми сентябри соли ҷорӣ дар шаҳри Сиани Ҷумҳурии Мардумии Чин идома меёбад, ба ин кишвар сафар кард. Муҳаммадато Султонов, котиби матбуотии Маҷлиси намояндагон, ба АМИТ «Ховар» иттилоъ дод, ки Амиршо Миралиев дар ҳамоиш доир ба мавзуъоҳои фарогири фаъолияти бунёдкоронаи Созмони ҳамкории Шанхай дар тавсеаи ҳамкориҳои кишварҳои аъзои СҲШ, хусусан дар рушди иқтисодиёти ин кишварҳо, ҳалли мушкилоти минтақавию ҷаҳонӣ, ба эътидол овардани авзои Афғонистон, мубориза алайҳи қочоқи маводи мухаддир, терроризм, ифротгароӣ ва дигар зуҳуроти номатлуб суханронӣ менамояд.