Таҷлили Истиқлолияти ҶТ дар Краснодар

Душанбе, 2 сентябр. (АМИТ «Ховар», Лутфия Эшонқулова). – Ҳафтаи гузашта дар Краснодар бахшида ба 20 – солагии Истиқлолияти Тоҷикистон як қатор чорабиниҳои идона роҳандозӣ шуданд.Ташкилкунандаи ин чорабиниҳо — Созмони ҷамъиятии «Мадад» — и Краснодар мусобиқаи волейболбозону гӯштингиронро ташкил намуд, ки дар он ҳам намояндагони кишвари мо ва ҳам ҳамсояҳоямон аз Ӯзбекистону Қирғизистон иштирок намуданд.Тавре ба АМИТ «Ховар» дар маркази матбуоти Хадамоти муҳоҷирати назди Ҳукумати Ҷумҳурии Тоҷикистон иттилоъ доданд, дар ҷараёни ин чорабиниҳо конфронс бахшида ба санаи фархундаи таърихи давлати тоҷикон баргузор шуд. Иштирокдорони конфронс аз дастовардҳои мамлакат, нақшаҳои мӯҳташами рушди он ва мақоми барҷастаи Президенти мамлакат Эмомалӣ Раҳмон дар амри барқароршавӣ ва мустаҳкам гардидани давлатамон нақл намуданд. Роҳбари созмони «Мадад» Нағзибек Нағзибеков зимни суханрониаш аз натиҷаи кори созмон ҷиҳати густариши ҳамкорӣ бо мақомоти маҳаллии ҳокимият, рушди ҳамкориҳои фарҳангӣ бо ҷамъиятҳои тоҷикони қисми ҷанубии Русия ва ҳифзи ҳуқуқу манфиати онҳо нақл кард.