Иҷлосияи Шӯрои ҳамкории фарҳангӣ дар Киев

Душанбе, 20 октябр. (АМИТ «Ховар»,  Пайрав  Назаров). – Имрӯз дар  шаҳри  Киев  иҷлосияи ХХУ1 Шӯрои  ҳамкории  фарҳангии  давлатҳои  аъзои  ИДМ  баргузор  мешавад. Иштироки  раиси  Кумитаи  иҷроия – Муншии  иҷроияи  ИДМ  Сергей  Лебедев  дар  ин маҷлис  дар  назар  аст.Тавре   дар  дафтари  матбуоти Кумитаи  иҷроияи  ИДМ  ба  АМИТ «Ховар»  иттилоъ доданд,  аъзои  Шӯро  тадбирҳои  вазоратҳои  фарҳанги  кишварҳои Иттиҳод  бахшида ба  20 – солагии  ИДМ, Барномаи  байнидавлатии «Пойтахтҳои  фарҳангии  Иттиҳод»,   масоили  ташкилу  корбурди Маркази  ҳифзи мероси  умумиҷаҳонии  давлатҳои  аъзои  ИДМ – ро  мавриди  муҳокима  қарор  доданианд.Ғайр  аз ин,  дар  чаҳорчӯбаи  ин  чорабинӣ  масъалаҳои  татбиқи  Созишнома  дар  бораи  филмбардории муштарак, таҷлили  500 – солагии  аввалин  китоби  чопӣ ба  забони арманӣ  ва  бархе масъалаҳои  дигар  баррасӣ  мешаванд.