Кӣ директори беҳтарини сол мегардад?

Душанбе, 27 октябр. (АМИТ «Ховар»,  Людмила  Дубинина). – 27  октябр  Раёсати  маорифи  шаҳри Душанбе озмуни  касбии «Директори  сол» — ро оғоз  менамояд. Марҳилаи  аввали озмун  дар  ҳамаи мактабҳои  чор  ноҳияи  шаҳр сурат гирифт. Дар  ин  озмун Қарчибек  Сафаров  аз  мактаби  № 65  ноҳияи  Шоҳмансур,  Зарнигор  Ҳамроева  аз мактаби  № 94  ноҳияи  Сино, Анвар  Исрофилов  аз  мактаби  №77   ноҳияи  Фирдавсӣ, Гулрӯ  Сатторова  аз  гимназияи  № 9 ноҳияи  Исмоили  Сомонӣ  муддаиён  барои иштирок  дар  озмуни  шаҳрӣ  гардиданд.Барои  муайян  намудани  ғолибони  озмун  комиссия  ва  ҳаками  махсус  ташкил  ёфтааст, ки  онҳо  тайи  ду  рӯз  аз  мактабҳо  дидан  намуда,  ҳисоботи  эҷодии  роҳбаронро  шунида,  дараҷаи  маҳорати  касбиро  арзёбӣ  менамоянд. 29  октябр дар Маркази  кӯдакону  ҷавонони пойтахт  даври  хотимавии озмун  баргузор  шуда, натиҷаи он ҷамъбаст  мегардад. Маросими  мукофотонидани  «Директори  сол» моҳи  апрел ҳангоми    таҷлили Рӯзи  пойтахт сурат  мегирад. Бояд тазаккур  дод, ки  марҳилаи  аввали  озмуни ҳарсола  дар  донишкадаҳо  аввали  семоҳаи  чорум  оғоз  меёбад.Дар  ин  бора  дар  Раёсати  маорифи  шаҳри  Душанбе ба  АМИТ «Ховар» иттилоъ  доданд.