Намоиши филмҳои «Дидор» дар Суғд
Душанбе, 26 октябр. (АМИТ «Ховар», Бекназари Абӯбакр). — Дар Қасри ҷавонони ба номи Лоиқ Шералии маркази вилояти Суғд аз 28 то 30 октябри соли равон кинофестивали байналмилалии «Дидор» баргузор мегардад. Беҳтарин филмҳо, ки солҳои гуногун дар ҷашнвораи синамоӣ намоиш дода шуданд, ба мардуми вилояти Суғд пешкаш мешавад. Гурӯҳи филмсозон ва ҳунарпешаҳои маъруфи синамои Тоҷикистон, аз ҷумла Шодӣ Солеҳ — Ҳунарпешаи мардумии Тоҷикистон, Муҳаммадалӣ Маҳмадов — Ҳунарпешаи мардумии Тоҷикистон, Аловуддин Абдуллоев — коргардони маъруф ва Ҳунарпешаи шоистаи Ҷумҳурии Тоҷикистон дар ҷашнвора ширкат менамоянд. Қабл аз намоиши ҳар филм мунаққидони синамо бо тамошобинон сӯҳбат хоҳанд кард. Расми ифтитоҳи ҷашнвора бо филми «Қиёми рӯз» оғоз гардида, чанд филми дигари қазоқиву қирғизӣ ва гурҷӣ ба намоиш гузошта мешаванд.Аз хадамоти матбуоти раиси вилояти Суғд ба АМИТ «Ховар» иттилоъ доданд, ки 12 филми мухталиф тӯли се рӯз ба таври ройгон ба намоиш гузошта мешаванд, ки тамошои онҳо ройгон аст.Ёдовар мешавем, ки аз соли 2004 то инҷониб 4 давраи намоиши филмҳои ҷашнвораи байналмилалии синамо дар шаҳри Душанбе доир гаштааст.
Доир ба пешгирии бемориҳои сироятӣ ва ғайрисироятӣ ҳамоиш баргузор шуд
Бунёди неругоҳҳои офтобӣ бо иқтидори 1500 мегаватт Тоҷикистонро ба давлати тавлидкунандаи энергияи «сабз» табдил медиҳад
Big Data дар смартфони Шумо: чӣ тавр операторон пешниҳодҳои махсус омода менамоянд?
Соли 2025 кишоварзони шаҳри Турсунзода дар таъмини амнияти озуқаворӣ саҳми арзанда гузоштанд
Имрӯз дар шаҳри Душанбе ҳаво тағйирёбандаи бебориш мешавад
Имрӯз дар баъзе ноҳияҳои Тоҷикистон туман мефарояд
Паём — роҳнамои татбиқи идеяҳои низоми давлатдории миллӣ
Ба 10 зани ҳунарманд ва соҳибкори шаҳри Бӯстон гранти раиси шаҳр тақдим карда шуд
Имрӯз дар шаҳри Душанбе бориши борон ва барф дар назар аст
Оид ба рушди ҳунармандӣ ва истифода аз грантҳои президентӣ дар ноҳияи Рӯдакӣ машғулияти омӯзишӣ доир гардид
Доир ба нақши Китобхонаи миллии Тоҷикистон дар омӯзиши забонҳои чинӣ ва кореягӣ конфронс доир шуд
