«Нурафзо»-баёнгари таърихи энергетикии тоҷик

Душанбе, 18 октябр. (АМИТ «Ховар», Дилшодаи Хайруллоҳ). – Бахшида ба 20-солагии Истиқлолияти давлатии ҶТ ва 75- солагии энергетикаи Тоҷикистон таҳти унвони «Нурафзо» китоби нав  аз чоп баромад.«Нурафзо» дар бораи сиёсати энергетикии Президенти Тоҷикистон Эмомалӣ Раҳмон, пешрафти иқтисодӣ ва иҷтимоии кишвари мо дар давраи соҳибистиқлолӣ, махсусан пас аз он ки солҳои охир таҳти сарварии Президенти Ҷумҳурии Тоҷикистон Эмомалӣ Раҳмон раванди созандагиву бунёдкорӣ таҳким ёфта, се ҳадафи асосии стратегӣ- таъмини истиқлолияти энергетикӣ, баромадан аз бунбасти коммуникатсионӣ ва амнияти озуқаворӣ зина ба зина амалӣ гашта, истодааст, нақл мекунад.Китоби «Нурафзо»  ҳамзамон  аз маводи  таърихӣ ва хуҷҷатӣ иборат буда, перомуни ҷаҳду талоши Президенти кишвар Эмомалӣ Раҳмон бобати пешбурду равнақи рӯзафзуни ин соҳаи муҳим маълумоти дақиқ пешниҳод менамояд.Китоб бо теъдоди 500 нусха  нашр шуда,  муқаддима ва мавзӯъҳои «Назаре ба таърихи энергетикаи Тоҷик», «Сиёсати хориҷии энергетикии Президенти Тоҷикистон», «Истиқлолияти давлатӣ ва рушди гидроэнергетика», «Роғун – марзи номус», «Сарфаи барқ нишонаи маданияти баланд»-ро  дар бар гирифтааст.