Садои «Фалаки даштӣ» дар Консерваторияи миллӣ

Душанбе, 13 октябр. (АМИТ «Ховар», Дилшодаи Хайруллоҳ). -12 октябр бахшида ба рӯзи фалак дар Консерваторияи миллии Тоҷикистон ба номи Талабхӯҷа Сатторов чорабинии фарҳангӣ доир гардид, ки дар он устодону донишҷӯён иштирок намуданд. Тарбиятгирандагони кафедраи сарояндагии анъанавӣ ҳунару истеъдоди худро намоиш доданд. Дар чорабинии фарҳангӣ зикр шуд, ки халқи тоҷик ҳанӯз аз давраҳои қадим бо сароидани намудҳои гуногуни фалак шӯҳратёр буда, имрӯз ин анъана аз нав эҳё гардидааст, ки баёнгари баланд рафтани нақши фарҳангу санъат дар ҳаёти мардум аст. «Фалаки даштӣ», «Асрори азал», «Агар ба гулшан» ва «Сезарба» — номгӯи шеъру оҳангҳое буд, ки дар чорабинӣ садо дод.