Сатҳи маърифати ноболиғонро баланд бардорем

Душанбе, 18 октябр. («АМИТ»  Ховар, Фарҳоди Шомаҳмад).- Чанд рӯз қабл дар бозори «Деҳқон», воқеъ дар шаҳраки Гипроземи шаҳри Душанбе бо ташаббуси ҳамоҳангсозони лоиҳаи «Беҳтар намудани хизматрасонй, пешгирии бемории вируси норасоии масъунияти одам (ВИЧ СПИД) ва нашъамандй миёни  ҷавонону наврасон» семинар доир гардид. Семинари мазкур барои ҷалби ноболиғону кӯдаконе, ки дар бозори мазкур ба  корҳои сангин, аз қабили аробакашй, боркашонӣ, мошиншӯӣ ва дигар корҳо машғуланд, нигаронида шуда буд.  Ин ноболиғон дар бозорҳо ба кор машғул шуда,  аз омӯзиш дур мемонанд. Суол ба миён меояд, ки оё онҳо аз ҳуқуқҳои хеш ва пешгирӣ аз бемориҳои вируси норасоии масъунияти одам (ВИЧ СПИД), оқибатҳои нашъамандию нашъаҷаллобй, дучоршавӣ ба харидуфурӯши одамон воқифанд? Баҳодур Ҷӯрабеков, ҳамоҳангсози лоиҳаи «Беҳтарнамоии хизматрасонӣ оид ба пешгирии ВНМО ва нашъамандй» гуфт, ки зиёда аз 4 сол мешавад, ки байни ҷавонону наврасон перомуни ин мавзӯъҳо корҳои фаҳмондадиҳй мегузаронанд. Ба қавли номбурда  ҷавонон ба ин  семинарҳо  таваҷҷӯҳи зиёд доранд ва чунин семинарҳои омӯзишӣ барои ба хондан рӯ овардани онҳо замина мегузоранд.