Шурӯи нахустин ҷаласаи иҷлосияи парлумон

Душанбе, 4 октябр. (АМИТ «Ховар», Марзия Саидова). — «Айни замон дар палатаи поёнии парлумони мамлакат  беш аз 40 лоиҳаи қонун барои баррасӣ қарор дорад, дар сурати зарурат ман пешниҳод мекунам, ки ташхисҳои илмиву иқтисодӣ, зиддикоррупсионӣ ва забонии ин лоиҳаи қонунҳо доир карда шавад». Ин матлабро Шукурҷон Зуҳуров, Раиси Маҷлиси намояндагони Маҷлиси Олии Ҷумҳурии Тоҷикистон дар ҷаласаи нахустини иҷлосияи сеюми Маҷлиси намояндагон иброз дошт.Бояд тазаккур дод, ки вакилони палатаи поёнии парлумони ҷумҳурӣ баъд аз се моҳи таътил ба фаъолият шурӯъ карданд.Зуҳуров зикр кард, ки ба вакилони парлумон зарур аст ба қабули як силсила лоиҳаи қонунҳо дар бораи энергетика, молия, андоз ва иқтисод таваҷҷӯҳи бештар зоҳир созанд. Дар ҳамин ҳол Зуҳуров гуфт, ки муддати идомаи иҷлосия намояндагони мардумӣ бояд бо интихобкунандагони худ доимо дар тамос бошанд, то  аз мушкилоту пешниҳоди онҳо огаҳӣ дошта бошанд.