Вохӯрии ҳайати тоҷикистонӣ бо Р. Олимов дар Чин

Пекин, 30 ноябр. (АМИТ «Ховар», Дилшодаи Хайруллоҳ).- 29 ноябр сафири Ҷумҳурии Тоҷикистон дар Ҷумҳурии Мардумии Чин Рашид Олимов ҳайати гурӯҳи шашнафараи Тоҷикистонро, ки барои иштирок дар Шӯрои ҷавонони Созмони Ҳамкории Шанхай, Федератсияи ҷавонони умумии Чин ва Иттифоқи коммунистии ҷавонони Чин ба манзури расонидани мадад ба таҳкими ҳамбоварӣ ва дӯстии байни роҳбарони ҷавони минтақаи Аврупою Осиё ва мусоидат ба табодули байналмилалӣ ва ҳамкории созмонҳои ҷавонон ба Ҷумҳурии Мардумии Чин сафар кардаанд, ба ҳузур пазируфт.Зимни вохурӣ Рашид Олимов дар бораи густариши муносибатҳои дуҷониба сухан карда, зикр намуд, ки ҳамкориҳо миёни ин ду давлат дар бахшҳои энергетика, роҳсозӣ, коркарди маъданҳои кӯҳӣ, сармоягузорӣ ва воридоту содирот густариш меёбанд.Мавсуф афзуд, ки соли 2005 дар Чин ҳамагӣ 3 нафар донишҷӯй аз Ҷумҳурии Тоҷикистон таҳсил мекард, айни ҳол дар 111 Донишгоҳи Ҷумҳурии Мардумии Чин 930 донишҷӯйи тоҷик таҳсил дорад, ки ин нишонаи ғамхории давлату Ҳукумат дар ҳаққи насли ҷавони имрӯза мебошад.