Кони «Фон — Яғноб» корхонаҳои кишварро бо ангишт таъмин мекунад

Душанбе, 28 декабр. (АМИТ «Ховар», Кристина Эрлих). – Вазорати энергетика ва саноати ҶТ бо мақсади қувваи барқро самарабахш истифода намудани корхонаю муассисаҳои кишвар як қатор тадбирҳоро роҳандозӣ мекунад, ки усули ба истифодаи ангишт гузаронидани корхонаҳои саноатӣ аз ҷумлаи онҳост. Дар ин бора ба хабарнигори АМИТ «Ховар» дар Вазорати энергетика ва саноати ҶТ хабар доданд.Тайи соли 2011 як қатор корхонаҳо, аз ҷумла 6 корхонаи семент, 15 корхонаи саноатӣ, 80 корхонаи хиштрезӣ, 23 корхонаи металлургӣ ва як корхонаи шишасозӣ фаъолияти худро дар заминаи истифодаи ангишт ба роҳ монданд.Корхонаи кони «Фон – Яғноб» то 20 декабри соли равон 77 ҳазор тонна ангишт истихроҷ намуд, ки назар ба ҳамин давраи соли гузашта баробари 35 ҳазор тонна зиёд аст.Қобили зикр аст, ки кони «Фон – Яғноб» бо корхонаи шишасозии шаҳри Қайроққум қарордод баста, соли ҷорӣ онро бо 7 ҳазору 778 тонна ангишт таъмин намуд. Ҳамзамон корхона 20 ҳазору 331 тонна ангиштро ба хориҷи кишвар баровардааст.