Соҳилмустаҳкамкунӣ дар Кӯлоб

Кӯлоб, 11 январ. (АМИТ «Ховар», С.Холов ). – Ҷиҳати пешгирии хатари селу обхезӣ дар мавзеъҳои хатарзо- соҳили дарёҳои шаҳру ноҳияи Кӯлоб корҳои соҳилмустаҳкамкунӣ тариқи ҳашари умумӣ ва ҷалби ташкилоту муассисаҳо вусъати тоза мегиранд. Дар айни замон корҳои таҳкими соҳилҳо дар қисми чапи дарёи Ёхсу ҷараён дошта, ба ин кор техникаҳои пуриқтидор сафарбар гардиданд. То имрӯз 850 метри соҳил мустаҳкам ва 220 метри дигари он, ки дар солҳои қаблӣ пурра хароб шуда буд, тавассути бунёди саддҳои муҳофизатии симтӯру бетонӣ барқарор гардидаанд. Дар соҳилҳои дигар дарёҳои минтақаи Кӯлоб раванди корҳои соҳилмустаҳкамкунӣ то ҳанӯз дуруст ба роҳ монда нашудааст.