Бонги хатари Кумитаи ҳолатҳои фавқулодда ва МГ

Душанбе, 22 феврал. (АМИТ «Ховар», Лаззат Диловарзод).-Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон аз сабаби ба вуҷуд омадани вазъи хатарнок бар асари боришоти зиёди барф дар роҳҳои ҳаракати автомобилгарди ҷумҳурӣ дар самти Душанбе –Суғд, Душанбе – Хоруғ ва Душанбе – Рашт – Ҷиргатол огоҳии таъҷилӣ интишор намуд. Дар мавзеъҳои хатарноки роҳ навиштаҷоти «Эҳтиёт, тарма!», «Минтақаи осебдида» «Роҳи хатарнок» ба чашм мерасад. Беҳтар аст дар давоми рӯзҳои 22 – 25 –уми феврали соли ҷорӣ сафар ба вилоятҳои Суғду Бадахшон ва водии Рашт то бартараф шудани хавфи фаромадани тарма мавқуф гузошта шавад.Бо вуҷуди ба кор баровардани техникаи зиёд имконияти сари вақт тоза кардани барфу тарма дар роҳи Душанбе –Суғд, Душанбе –Бадахшон ва Душанбе – Рашт имконнопазир аст, зеро дар баъзе қитъаҳои роҳ баландии тарма ба 25 – 30 метр мерасад,- иброз доштанд дар Кумитаи ҳолатҳои фавқулодда ва мудофиаи граждании назди Ҳукумати ҷумҳурӣ ба мухбири АМИТ «Ховар».