«Тоҷиксодиротбонк» ва БАБТ татбиқи лоиҳаро анҷом доданд

Душанбе, 1 феврал. (АМИТ «Ховар», Покиза Маҳмадбекова). – ҶСК «Тоҷиксодиротбонк» аз семоҳаи чоруми соли 2009 то охири соли 2011 яке аз иштирокдорони асосии Бонки аврупоии бозсозӣ ва тавсеа (БАБТ) барои маблағгузории тиҷорати хурду миёна дар Тоҷикистон буд. Ин лоиҳа бо мадади техникии ширкати консалтингии ВFC Швейтсария дар амал татбиқ карда мешуд.«Дар давраи иҷрои кор бо «Тоҷиксодиротбонк» мо ба имкониятҳои зиёди он бовар кардем», — зикр намуд машваратчии бонк ва роҳбари лоиҳа аз ҷониби ширкати ВFС Майк Ивановски.Хотирнишон месозем, ки Бонки аврупоии бозсозӣ ва тавсеа аз моҳи декабри соли 1996 дар Тоҷикистон фаъолият дошта, ба иқтисодиёти кишвар беш аз 120 миллион евро ворид намудааст.