Ҷаласаи прокурорҳои генералии ИДМ

Душанбе, 19 апрел. (АМИТ «Ховар», Пайрав Назаров). – 15 май дар шаҳри Санкт – Петербурги Федератсияи Русия ҷаласаи Шӯрои ҳамгироии прокурорҳои генералии давлатҳои аъзои Иттиҳоди Давлатҳои Мустақил баргузор мешавад. Дар кори ҷаласа, ки таҳти раёсати прокурори генералии Федератсияи Русия Юрий Чайка сурат мегирад, прокурорҳои генералии ҷумҳуриҳои Озарбойҷон, Арманистон, Беларус, Қазоқистон, Қирғизистон, Молдова, Тоҷикистон, Украина, Туркманистон ва Ӯзбекистон иштирок менамоянд.Дар ҷаласа баррасии масъалаҳои рушди ҳамкории прокуратураҳои давлатҳои аъзои ИДМ дар амри ҳифзи ҳуқуқу озодиҳои инсон ва шаҳрванд, ҷиноятҳои муташаккилона ва трансмиллӣ, таҳкими қонуният ва тартиботи ҳуқуқӣ ва ғайра дар назар аст.