Пинҳонгоҳи аслиҳа ошкор гардид

Душанбе, 25 май. (АМИТ «Ховар», Лутфия Эшонқулова). – 24 май кормандони мақомоти ҳифзи ҳуқуқ дар ҳудуди ноҳияи Ваҳдат пинҳонгоҳи аслиҳаро пайдо намуданд.Мувофиқи хабари сомонаи расмии Вазорати корҳои дохилии ҶТ, дар ҷараёни кофтукови фаврӣ дар дараи Мағови ҳудуди деҳаи Симиганҷ пинҳонгоҳ ошкор гардид. Дар ин пинҳонгоҳ як пулемёти Калашникови дорои 86 тир, як норинҷак, як автомати Калашнкиов, як туфанги шикорӣ, 3 таппончаи Макаров, 9 норинҷаки дастӣ, беш аз 2,5 ҳазор тири калибрашон гуногун ва лавозимоти дигари ҷангӣ маҳфуз будааст.