Истифодаи маблағ дар соҳаи роҳсозӣ

Душанбе, 5 июн.(АМИТ «Ховар», Лаззат Диловарзод).- Дар моҳҳои январ-апрели соли ҷорӣ барои таҷдид ва барқарорсозии роҳҳои автомобилгарди Душанбе — сарҳади Ӯзбекистон 67,6 млн. сомонӣ маблағ аз худ карда шудааст. Дар асоси маълумоти Вазорати нақлиёти ҷумҳурӣ, дар 4 моҳи аввали соли 2012 ба миқдори 1,9 млн. сомонӣ маблағи давлатӣ ва ба миқдори 65,7 млн.сомонӣ маблағи сармояи хориҷӣ дар сохтмони роҳи Душанбе-сарҳади Ӯзбекистон азхуд шудааст.Дар ин давра сармоягузории хориҷӣ дар ҳудуди ВМКБ ба миқдори 12,6 млн. сомонӣ, дар Хатлон 171,3, дар Суғд-140, дар шаҳри Душанбе-168,1 ва дар ноҳияҳои тобеи ҷумҳурӣ ба миқдори 368,2 млн. сомонӣ буда, 42,8 фоизи ҳаҷми умумии сармоягузориҳои ҷумҳуриро ташкил дод.