Корхонаҳои соҳаи ангишт суръати корро баланд мекунанд

Душанбе, 8 июн. (АМИТ «Ховар», Кристина Эрлих). – Корхонаҳои соҳаи ангишт аз рӯи натиҷаи 5 моҳи соли 2012 ба натиҷаҳои хуб ноил гардиданд. Масалан, ҶС «Ангишт», кони «Фон – Яғноб», минтақаҳҳои «Ангишт» ва «Анзоб» тайи 5 моҳи соли равон қариб 34 ҳазор тонна ангишт истихроҷ намуданд, ки назар ба ҳамин давраи соли гузашта баробари 11,5 ҳазор тонна зиёд аст. Дар ин бора аз дафтари матбуоти Вазорати энергетика ва саноати ҶТ ба АМИТ «Ховар» хабар доданд.Мувофиқи суханони манбаъ, дар давраи ҳисобот қариб 46 ҳазор тонна ангишт ба фурӯш бароварда шуд. Қобили зикр аст, ки мувофиқи фармони Ҳукумати ҶТ аз 30 апрели соли 2012 ба хориҷа баровардани ангишт манъ шудааст.Алҳол 80 корхонаи хиштпазӣ, 28 корхонаи маъдангудозӣ, 21 корхонаи саноати хӯрокворӣ, 6 корхонаи семент ва 1 корхонаи шишасозӣ бо истифода аз ангишт фаъолият доранд.