Ёде аз Меҳрубон Назаров

Хоруғ, 11 июн. (АМИТ «Ховар», Л.Додо ). – Дар қарияи Шидзи ҷамоати деҳоти ба номи Мӯъминшоҳ Абдулвосиеви ноҳияи Рӯшон 90 — солагии яке аз ходимони давлатии кишвар зиндаёд Меҳрубон Назаров бо шукуҳӯ шаҳомати хоса таҷлил гардид. Раиси ноҳия Қобиламоҳ Ғуломшоева ҳозиронро ба ифтихори зодрӯзи ин марди фарзонаи миллат табрик гуфта, сипас гурӯҳи мактабиён дар васфи ӯ шеърҳои аҳли суханро қироат карданд. Меҳрубон Назаров зимни солҳои зиёде дар вазифаҳои ректори Донишгоҳи санъати ҷумҳурӣ ва вазири фарҳанг кор карданаш ба рушди фарҳанги ҷумҳурӣ ҳиссаи бебаҳо гузоштааст.