Қотили Холмўъмин Сафаров дастгир гардид

Душанбе, 15 июл. (АМИТ «Ховар»). — Ҳангоми гузаронидани чорабиниҳои оперативӣ-ҷустуҷӯӣ ва ҳаракатҳои тафтишотӣ аз тарафи кормандони Вазорати корҳои дохилӣ оид ба куштори Сафаров Холмӯъмин, соли таваллудаш 1955, зодаи ноҳияи Восеъ, истиқоматкунандаи шаҳри Душанбе, кӯчаи Сино, бинои 42/1, ҳуҷраи 35, директори Муассисаи давлатии хоҷагии ҷангал ва шикори Кумитаи ҳифзи муҳити зисти назди Ҳукумати Ҷумҳурии Тоҷикистон санаи 14-уми июли соли 2012 шахси содирнамудаи ҷинояти мудҳиш муайян ва дастгиру безарар гардонида шуд.Тафтишоти пешакӣ ва чорабиниҳои оперативӣ-ҷустуҷӯӣ оиди дастгир намудани ҳаммаслакони шахси ҷинояти мазкурро содирнамуда идома дорад.Маълумоти ҳамаҷониба ва холисона аз рафти тафтишоти пешакӣ, ки сирри хизматиро ташкил медиҳад, баъди пурра ва ҳаматарафа санҷиш шудан ба васоити ахбори омма иттилоот пешниҳод карда мешавад.Дар ин бора ба АМИТ «Ховар» аз Вазорати корҳои дохилӣ иттилоъ доданд.