Таъиноти кадрӣ дар прокуратура ва мақомоти корҳои дохилӣ
Душанбе, 1 июл. (АМИТ «Ховар»). — Дирӯз, 30 июн Президенти кишвар Эмомалӣ Раҳмон як зумра кадрҳои ба вазифаҳои нав пешниҳодшудаи соҳаҳои прокуратура ва мақомоти корҳои дохилиро барои суҳбат ба ҳузур пазируфт. Ҳамин тариқ муовини прокурори шаҳри Душанбе, прокурори шаҳру ноҳияҳои Фирдавсӣ, Хуҷанд, Истиқлол, Балҷувон, Данғара, Ҷалолиддини Румӣ, прокурори ҳарбии гарнизони Суғд, сардори шуъбаи корҳои дохилии шаҳру ноҳияҳои Панҷ, Нуробод, Истиқлол ва роҳбарони чанд сохтори дигар иваз карда шуданд. Сарвари давлат Эмомалӣ Раҳмон таваҷҷуҳи аҳли нишастро ба мушкилоти вобаста ба ҷиноятҳои марбут ба маводи мухаддир, коррупсия, тамаъҷӯӣ, заминфурӯшӣ ва ғайра ҷалб намуда, онҳоро ба садоқату фидокорӣ нисбати ватану ватандорӣ, ҳифзи оромию субот, манфиатҳои мардуми заҳматкаш, адолати иҷтимоӣ ва ба муборизаи беамон бо унсурҳои ҷиноию қонуншикан ҳидоят намуд. Таъкид гардид, ки бо мардум муомилаю муоширати хуб дошта бошанд, зеро иззату эҳтиром ва боварию эътимоди аҳолӣ ва ҳамкорӣ бо онҳо омили муҳими пешрафти кори мақомоти ҳифзи ҳуқуқ мебошад.Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
