Кӯмак ба Хонаи кӯдакони Танобчӣ

Душанбе, 4 сентябр. (АМИТ «Ховар», Дилшодаи Хайруллоҳ). — Бахшида ба 21-умин солгарди истиқлолияти давлатии Ҷумҳурии Тоҷикистон Вазорати энергетика ва саноат ба тарбиятгирандагони Хонаи кӯдакони деҳаи Танобчии ноҳияи Темурмалик ба маблағи дувоздаҳ ҳазор сомонӣ маводи хӯрокӣ, либосу пойафзол ва молҳои ниёзи аввалия, аз қабили нахӯд, марҷумак, лӯбиё, шакар, макарон, гӯшту биринҷ, равған, пиёз, сабзиву картошка, шири қоқ, орд, чой, наск, каду, намудҳои гуногуни собун, либоси замистона кӯмак расонида шуд.Ин иқдом дар доираи Амри Президенти Ҷумҳурии Тоҷикистон оид ба расонидани кӯмаки доимии моддию молиявӣ ба маъюбону пиронсолон, иштирокчиёни Ҷанги Бузурги Ватанӣ, оилаҳои камбизоат, хона-интернатҳо ва муассисаҳои иҷтимоӣ охирин набуда, мунтазам амалӣ мегардад.Ин муассиса 130 нафар тарбиятгирандаро фаро гирифта, соли 2012 18 нафар хатмкунандагони он ба муассисаҳои таълимии таҳсилоти олӣ ва миёнаи касбии ҷумҳурӣ дохил шуданд.Дар ин бора ба АМИТ «Ховар» аз котиботи Вазорати энергетика ва саноати ҶТ иттилоъ доданд.