«Мо насли Истиқлол»
Душанбе, 12 сентябр. (АМИТ “Ховар”). — Аз 3 то 8 сентябри соли 2012 бо мақсади баланд бардоштани сатҳи зебоишиносӣ ва маънавиёти наврасону ҷавонон бо ибтикор ва сарпарастии Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур бахшида ба 21-умин солгарди Истиқлолияти давлатии Тоҷикистон дар заминаи муассисаҳои таҳсилоти умумии ноҳияи Шоҳмансури шаҳри Душанбе дар ҳамкорӣ бо шўъбаи маорифи ноҳия Фестивали эҷодиёти бадеии наврасон ва ҷавонон таҳти унвони «Мо насли Истиқлол» баргузор гардид.Дар доираи чорабиниҳои Фестивал озмуни расмҳо таҳти унвони «Кишвари сулҳ», иншои беҳтарин дар мавзўи «Тоҷикистон кишвари ман» ва шеъру сурудҳои меҳанпарастӣ, ҳамзамон ҳамоиш дар мавзўи «Нақши муқаддасоти миллӣ дар тарбияи ватандўстӣ» баргузор гардид. Барои навҷўиву эҷодкорӣ 9 нафар ғолиби Фестивал аз ҷониби Кумитаи иҷроияи ҲХДТ дар ноҳияи Шоҳмансур бо диплом ва ҷоизаҳо сарфароз гардонида шуда, ба 8 нафар наврасе, ки дар арафаи ҷашни Истиқлолияти давлатӣ 16-сола шуданд, шиносномаи шаҳрванди Ҷумҳурии Тоҷикистон супорида шуд.Бо Шоҳҷоизаи Фестивал хонандаи синфи 9 мактаби таҳсилоти умумии №29 Олиҳаи Муҳаббат сарфароз гардид. Инчунин барои саҳми арзанда дар таълим ва тарбияи насли наврас дар рўҳияи эҳтиром нисбат ба суннатҳои фарҳангии хеш, густариши пайвастаи худогоҳиву хештаншиносӣ,баландбардории маънавиёти наврасон ва ҷавонон як идда фаъолони ҳизбӣ ва омўзгорон бо тўҳфаҳо қадрдонӣ гардиданд. Қарор карда шуд, ки минбаъд Фестивали эҷодиёти бадеии наврасон ва ҷавонон таҳти унвони «Мо насли Истиқлол» таҳти сарпарастии Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур ҳамасола дар арафаи ҷашни Истиқлолияти давлатии Тоҷикистон баргузор карда шавад. Дар ин бора корманди Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур Хуршед Низомов иттилоъ дод.
Дар ноҳияи Шаҳринав толори хурди варзишии футбол ба истифода дода шуд
ИСТИФОДАИ САМАРАНОКИ ЗАМИН. Сокини Ҷамоати деҳоти Ҳилолии ноҳияи Хуросон аз гармхонааш то се ҳосил мегирад
Дар Рашт оид ба тарбияи ҷавонон ҳамчун воситаи муҳим дар муқовимат ба коррупсия машғулият доир гардид
Имрӯз дар баъзе минтақаҳои Тоҷикистон борони кӯтоҳмуддати хусусияти селӣ дошта пешгӯӣ мешавад
ТАҚВИМИ АМИТ «ХОВАР»: имрӯз 27 май, чоршанбе, 147-умин рӯзи соли 2026 аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
