Ҷамъбасти натиҷаи фаъолияти АНММ

Душанбе, 15 октябр. (АМИТ «Ховар», Лутфия Эшонқулова). – Агентии назорати маводи мухаддири назди Президенти ҶТ натиҷаи фаъолияташро тайи 9 — моҳи соли ҷорӣ ҷамъбаст намуд. Дар машварати ҳайати мушовараи Агентӣ аз рӯи натиҷаи кор тайи 9 моҳи соли ҷорӣ зикр шуд, ки дар давраи ҳисобот барои роҳандозӣ намудани сиёсати давлат дар бахши муборизаи зидди гардиши ғайриқонунии маводи мухаддир, танзими фаъолияти мақомоти ҳифзи ҳуқуқ ва сохторҳои қудратии ҷумҳурӣ ва тақвияти ҳамкории байналмилалӣ кори назаррас ба ҷо оврда шудааст. Дар машварат ҳамчунин лоиҳаи Дурнамои чорабиниҳо барои рафъи нуқсонҳои фаъолияти раёсату шӯъбаҳои Агентии назорати маводи мухаддир ҷиҳати риояи қонуният ва интизоми хидматӣ баррасӣ гардид. Дар ин бора аз маркази матбуоти Агентии назорати маводи мухаддир ба АМИТ «Ховар» хабар доданд.