C. Девонаев: Барои муҳоҷирон забондонӣ муҳим аст

Душанбе, 4 октябр. (АМИТ «Ховар», Музаффар Рустамов). –Имрӯз бахшида ба таҷлили Рӯзи забон дар Хадамоти муҳоҷирати назди Ҳукумати Ҷумҳурии Тоҷикистон чорабинии идона доир гардид.Зимни баргузории он сардори Хадамоти муҳоҷират Сафиалло Девонаев доир ба мақоми забони модарӣ ва гиромидошти он, рушди забони давлатӣ, омӯзиши забони модарӣ дар Хадамоти муҳоҷират ва комиссияи забон, ки дар Хадамот амал мекунад, сӯҳбат намуд. Дар чорабинӣ супориш дода шуд, ки дар баробари омӯзиши забони модарӣ, омӯзиши забонҳои хоричӣ, аз қабили забони русӣ, англисӣ, кореягӣ, хитоӣ, немисӣ ва арабӣ низ барои кормандони Хадамоти муҳоҷират минбаъд роҳандозӣ шавад. Яке аз самтҳои асосии қабули кормандони хадамоти муҳоҷират дар оянда ҳатман сатҳи забондонии онхо хоҳад буд. Дар ин бора ба АМИТ”Ховар” сардори шӯъбаи робита бо ҷомеаи Хадамоти муҳоҷирати назди Ҳукумати ҶТ Абдуллоҳи Кодирӣ иттилоъ дод.