Чор майдони варзишӣ дар пойтахт

Душанбе, 4 октябр. (АМИТ «Ховар», Фирӯза Давлатова). – Тавре ки аз мақомоти шаҳрдории пойтахт хабар доданд, раиси шаҳри Душанбе Маҳмадсаид Убайдуллоев барои барқарор намудани чор майдони муосири варзишӣ, ки дар ноҳияи Синои пойтахт ҷойгиранд, санади онро қабул ва тасдиқ намуд.Ин майдонҳои варзишӣ дар кӯчаҳои Зарафшон М5, 11 (хароҷот 204 ҳазор сомонӣ), Шерализода 148 (хароҷот 434 ҳазору 864 сомонӣ), Ғафуров 46/3 (хароҷот 269 ҳазору 550 сомонӣ) ва кӯчаи Маяковский (хароҷот 1 млн. 894 ҳазору 150 сомонӣ) ҷойгир шудаанд. Ҳамчунин иттилоъ дода шуд, ки ин майдонҳои варзишӣ дар ояндаи наздик бо тарҳи нав ба истифода дода мешаванд.