Ифтитоҳи филиалҳои нави ҶСК «Тоҷиксодиротбонк»
Душанбе, 9 октябр. (АМИТ «Ховар», Покиза Маҳмадбекова). — Ба ифтихори ҷашни 20-солагии Иҷлосияи 16-уми Шӯрои Олии Ҷумҳурии Тоҷикистон роҳбарияти «Тоҷиксодиротбонк» тасмим гирифтааст, ки дар шаҳру ноҳияҳои мамлакат филиалҳои нави худро таъсис ва хизматрасониҳои муосири бонкиро ба мардум дастрастар намояд. Дар доираи ин иқдом дар ҷамоати Чимтеппаи ноҳияи Рӯдакӣ филиали «Тоҷиксодиротбонк» расман ифтитоҳ гардид. Ба мухбири АМИТ «Ховар» аз хадамоти матбуоти ҶСК «Тоҷиксодиротбонк» иттилоъ доданд, ки дар маросими ифтитоҳи бинои филиал раиси бонк Тоҷидин Пиров иброз намуд, ки таъсиси филиал ва муҳайё гардидани шароити хуби меҳнат кормандонро водор менамояд, ки бо нерӯи дучанд фаъолият намуда, дар пешрафии Ватани азизамон саҳмгузор бошанд. Бинои филиал барҳаво буда, тибқи талаботи муосир бунёд ва бо навтарин таҷҳизоти техникиву идорӣ муҷаҳҳаз гардидааст. Чунин шароити фаъолияти бонкӣ дар бинои филиали навтаъсиси бонк дар , кӯчаи Ҷомии ноҳияи Сино низ фароҳам оварда шудааст. Дар ин ҷо барои бо сифати баланд иҷро намудани дархостҳои мизоҷон имкониятҳои васеъ ва мутахассисони болаёқат интихоб гардидаанд. Ҳамаи биноҳои филиалҳои навтаъсис, хусусан бинои филиали нави бонк дар кӯчаи Қаҳҳоров, 75 ноҳияи Фирдавсӣ тибқи тамғаи ягонаи «Тоҷиксодиротбонк» оро дода шуда, бо таҷҳизоти навтарини бонкӣ, аз ҷумла банкомат таъмин гардидаанд. Дар маҳаллаи 91-уми пойтахт, дар кӯчаи Алишер Навоии ноҳияи Сино низ филиали нави «Тоҷиксодиротбонк» дарҳои худро ба рӯи мизоҷон боз намуд. Бо ифтитоҳи филиал 32 нафар мутахассис соҳиби ҷойи нави кор хоҳад шуд. Ин нишондиҳанда дар чор филиали навтаъсис 108 ададро ташкил медиҳад. Дар филиалҳои нави бонк маҷмӯи васеи хизматрасониҳои бонкӣ, аз қабили пешниҳоди қарзҳо, ҷалби амонат, амалиёти ҳисоббаробаркунӣ ва хазинавӣ, интиқоли маблағ, хизматрасонии кортҳои пардохтӣ ба мизоҷон пешниҳод мегардад. Филиали мазкур 15-умин филиали «Тоҷиксодиротбонк» дар пойтахт ва 70-умин филиал дар миқёси ҷумҳурӣ ба шумор меравад. Роҳбарияти бонк тасмим гирифтааст, ки доираи фарогирии мардумро бо таъсиси филиал ва марказҳои хизматрасонии бонкӣ дар тамоми минтақаҳои мамлакат торафт васеътар намояд.
Бахшида ба 32-солагии Қувваҳои ҳарбӣ-ҳавоӣ ва мудофиаи зиддиҳавоӣ ҳамоиш доир шуд
Имрӯз дар шаҳри Душанбе ҳаво то 37 дараҷа гарм мешавад
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
