Корҳои геологӣ дар соҳаи истихроҷи нафту газ

Душанбе, 11 октябр. (АМИТ «Ховар», Дилшодаи Хайруллоҳ). -Корҳои геологию техникӣ аз омилҳои асосии зиёд намудани истихроҷи нафту газ дар конҳои амалкунанда мебошанд. Дар ин муддат аз тарафи корхонаҳои истеҳсолкунандаи нафту газ 190 маротиба таъмири ҷории чоҳҳо, аз ҷумла, дар сехи КВД «Нафтугаз ва ангишт»- 3, ҶММ «Салоса»- 11, ҶМММ «Петролеум-Суғд»-172, ҶММ «Азизӣ-1»-2 ва 28 адад таъмири асосии чоҳҳо, аз он ҷумла: дар ҶМММ «Петролеум-Суғд»- 8 адад, сехи КВД «Нафтугаз ва ангишт»- 20 гузаронида шудааст. Аз ҳисоби таъмирҳои гузаронидашуда 489 тонна нафт барзиёд истихроҷ шудааст, аз ҷумла, дар ҶДММ «Салоса»-18 тонна, сехи истеҳсоли нафту газ – 381тонна, дар ширкати «Тетис» – 90 тонна. Аз тарафи КФ «Суғднафту газ»- дар чоҳи №16 майдони Маҳрам 520 метр парма шудааст, ки умқи чоҳ ҳамагӣ 4440 метрро ташкил медиҳад. Дар ин бора ба мухбири АМИТ «Ховар» аз котиботи Вазорати энегетика ва саноати ҷумҳурӣ иттилоъ доданд.